Guddiga dib u eegista iyo la socodka Dastuurka ee Baarlamaanka Soomaaliya ayaa maant afar cusub oo ka mid ah dastuurka ku wareejiyey Gudiga Madaxa banmaan ee dib u eegidda iyo hirgelinta Dastuurka, si ay uga soo shaqeeyaan.

Cabdi Xasan Cawaale Qaybdiid,Guddoomiyaha Guddiga dib u eegista iyo la socodka Dastuurka ee Baarlamaanka ayaa sheegay in labadan guddi ay ka dhaxeyso wada shaqayn ayna diyaarsadeen qorshe howleed ay ku dhammeystirayaan dib u eegista Dastuurka

Guddoomiye ku-xigeenka Guddiga Madaxa Bannaan ee Dastuurka Muumino Sheikh Cumar ayaa dhankeeda sheegtay in 4-tan cutub ay ka soo shaqeyn doonaan, dibna ay ugu soo celin doonaan guddiga si bulshada loogu soo bandhigo

Horay ayaa labadan guddiga uga soo shaqeeyeen cutubyo ka mid ah Dastuurka, waxaana qodobada quseeya arrimaha dhaqaalaha, siyaasadda iyo awood qaybsiga ku wareejiyeen madaxda Dawladda dhexe iyo Dawlad goboleedyada si ay go’aan uga gaaraan.

LEAVE A REPLY

Please enter your comment!
Please enter your name here